და სპეციალურ და საგანგებო სიტუაციების ცენტრის განსაკუთრებულ დავალებათა ქვემო ქართლის სამხარეო განყოფილების თანამშრომლებმა ცხელ კვალზე გატარებული ოპერატიულ-საგამოძიებო ღონისძიებების შედეგად გარდაბნის რაიონის სოფელ ჯანდარაში მცხოვრები მამედოვების ოჯახზე განხორციელებული შეიარაღებული თავდასხმის ხუთივე მონაწილე დააკავეს. 1989 წელს დაბადებული ირაკლი მ-ა (წარსულში ნასამართლევი), 1987 წელს დაბადებული დავით ვ-ი, 1989 წელს დაბადებული გიორგი ლ-ი (წარსულში ნასამართლევი), 1990 წელს დაბადებული იაგო ქ-ი (წარსულში ნასამართლევი) და 1981 წელს დაბადებული ჯამბულ ა-ი დღეს გამთენიისას, დაახლოებით 03:00 საათზე მამედოვების ოჯახში შეიჭრნენ და ფული და ოქრო მოითხოვეს. ცეცხლსასროლი და ცივი იარაღებით შეიარაღებულმა ნიღბიანმა თავდამსხმელებმა ოჯახის ყველა წევრი წებოვანი ლენტით შეკრეს და პირი აუკრეს, 19 წლის ბაბექ მამედოვს კი, თითის მოჭრითაც დაემუქრნენ. ბოროტმოქმედებმა მამედოვების ოჯახიდან 16 000 ლარამდე ფულადი თანხა და დიდი რაოდენობით ოქროს სამკაული წაიღეს. სამართალდამცველებმა ყაჩაღური დაჯგუფების ხუთივე წევრი მომხდარი ფაქტიდან რამდენიმე საათში დააკავეს", - ნათქვამია შსს-ს მიერ გავრეცელებულ განცხადებაში.



შსს-ს ინფორმაციით, მომხდარ ფაქტზე დაწყებულია გამოძიება საქართველოს სისხლის სამართლის კოდექსის 179-ე მუხლის მე-2 ნაწილის "ბ" პუნქტით, რაც თავისუფლების 6-დან 9 წლამდე აღკვეთას ითვალისწინებს და ამავე მუხლის მე-3 ნაწილის "ბ" პუნქტით, რომლის თანახმადაც, დამნაშავეებს 8-დან 12 წლამდე პატიმრობა ემუქრებათ.