შინაგან საქმეთა სამინისტრომ იოსებ გიორხელიძის გატაცების ფაქტის ძიებასთან დაკავშირებული ვიდეო-მასალა გაავრცელა. სამართალდამცველებმა ოთხივე დაკავებული დაკითხეს და საგამოძიებო ექსპერიმენტი ჩაატარეს.

ექსპერიმენტის დროს ერთ-ერთმა დაკავებულმა, გიორგი ქალდანმა ტყის მასივში ის ადგილი მიუთითა, სადაც მიღებული გამოსასყიდი და იარაღი დააგდო. სამართალდამცველებმა ამოიღეს 300 ათასი დოლარი, იარაღი, ნიღბები და ხელთათმანები. ჯემალ შონიამ კი სამართალდამცველებს ის შენობა უჩვენა, სადაც 19 წლის ახალაგზრდა დატყვევებული ყავდათ.

კრიმინალური პოლიციის დეპარტამენტის თანამშრომლებმა შემთხვევის ადგილიდან მაყუჩიანი პისტოლეტი ამოიღეს.

გამოძიება წინასწარი შეთანხმებით ჯგუფის მიერ მძევლად ხელში ჩაგდების, იარაღის მართლსაწინააღმდეგო შეძენა-შენახვის და ნარკოტიკული საშუალების უკანონო შეძენა-შენახვის ფაქტზე მიმდინარეობს.