უკრაინის რადა დღეს თავდაცვის ახალ მინისტრს აირჩევს. ყოფილი მინისტრის, ვალერი გალათეის გადადგომის მოთხოვნა პეტრო პოროშენკომ უკვე დააკმაყოფილა. გვიან ღამით, უკრაინის პრეზიდენტმა ქვეყნის მოსახლეობას ტელევიზიით მიმართა.

პოროშენკომ ღიად განაცხადა, რომ აღმოსავლეთ უკრაინის კრიზისის მოგვარება მხოლოდ მშვიდობიანი გზით არის მოსახერხებელი.

„მილანში პრეზიდენტ პუტინს შევხვდები. მოლაპარაკებებს ევროკავშირის წარმომადგენლებიც დაესწრებიან. ეს არ იქნება ადვილი საუბარი, თუმცა, იმედია ცეცხლის სრული შეწყვეტის შესახებ შეთანხმებას მივაღწევთ. ჩვენი საბოლოო მიზანი კი უკრაინიდან რუსული ჯარების გაყვანა, საზღვრებზე კონტროლის აღდგენა და ქვეყნის ტერიტორიული მთლიანობის დაცვაა“, - განაცხადა პოროშენკომ.