რუსი ექს-მაგნატი და ოპოზიციონერი მიხაილ ხოდორკოვსკი პრაღაში მე-18 ყოველწლიურ კონფერენციაზე სიტყვით გამოვიდა, სადაც რუსეთის ეკონომიკის შესახებაც ისაუბრა.

ხოდორკოვსკის განმარტებით, ნავთობის ფასის ვარდნა რუსეთის დემოკრატიზაციაზე დადებითად ვერ აისახება. ამიტომ, „არ შეიძლება ისხდნენ გულხელდაკრეფილნი და ელოდონ როდის მოხდება ვარდნა“.

მისი თქმით, რუსეთში არსებობს ჯგუფი, რომელიც დემოკრატიზაციით არის დაინტერესებული, „ეს მილიონობით დამოუკიდებელი პროფესიონალები არიან“.

სტრატეგიული მიზანი კი საშუალო ფენის გააქტიურებაა პოლიტიკური ცხოვრების თვალსაზრისით.

„სანქციები - საშიში ინსტრუმენტია. იზოლაცია - ხელისუფლების ინტერესებშია. შეზღუდვები საშუალო ფენაზე მოქმედებს, მის თვითაღქმაზე, როგორც ევროპის ნაწილისა“, - აცხადებს ხოდორკოვსკი.