ინდოეთში, ქვეყნის სანაპიროს 200 კილომეტრ-საათის სიჩქარით მოძრავი ციკლონი „ჰად-ჰადი“ დაატყდა თავს.

უკანასკნელი მონაცემებით, სტიქიას 6 ადამიანის სიცოცხლე ემსხვერპლა, 500 000-მდე კი ევაკუირებულია.

მეტეოროლოგების შეფასებით, ხმელეთზე შემოჭრიდან ექვსი საათის განმავლობაში ციკლონი განსაკუთრებით საშიში იქნება. შემდეგ კი მისი ძალა და ქარის სიჩქარე ნელ-ნელა დაიკლებს.

ქვეყნის პრემიერ-მინისტრმა სანაპირო შტატებში საგანგებო მდგომარეობა გამოაცხადა. მობილიზებულია სამაშველო ჯგუფები. ასევე, მზადყოფნაშია სამხედრო-საჰაერო ძალები.

ექსპერტების შეფასებით, ციკლონის შედეგი კატასტროფული იქნება; სტიქიის შედეგად, ჰუმანიტარული დახმარება 11 მილიონამდე ადამიანს დასჭირდება.