მამაკაცმა ტრანსსექსუალი მეუღლე მოკლა და მისი სხეულისგან სადილი მოამზადა

მსოფლიო - 18:19, 11 Oct, 2014

8198

27 წლის ინდონეზიელი ტრანსსექსუალის ფერგი ანდრიასაჰის დედამ ნინინგ სუკარნიმ განაცხადა, რომ მან შვილის მკვლელობა აპატია თავის სიძეს მარკუს ფოლკეს, რომელმაც ჯერ მოკლა და შემდეგ, გავრცელებული ინფორმაციით, დაანაწევრა და სადილი მოამზადა მისი შვილისგან.
პოლიციის ცნობით, 28 წლის მარკუს ვოლკე, საშინელი დანაშაულის ჩადენის შემდეგ, სახლიდან გაიქცა და სიცოცხლე თვითმკვლელობით დაასრულა.
straitstimes.com-ის ინფორმაციით, ფერბი ანდრიასაჰი, ანუ მაიანგ პრასეტიო, რომელიც საკუთარ თავს ქალად აღიქვამდა, ნინინგ სუკარნის უფროსი შვილი იყო, მას კიდევ 3 ქალიშვილი ყავს. სავარაუდოდ, ეს დანაშაული ეჭვიანობის ნიადაგზეა ჩადენილი.
ქალბატონმა ნინინგ სუკარნიმ განაცხადა, რომ იგი დაუკავშირდა მარკუს ფოლკეს ოჯახს და მათ ერთმანეთს აპატიეს.
"ჩემი მესიჯი მარკუსის ოჯახისადმი ის იყო, რომ მე ვაპატიე მარკუსს ის, რაც გაუკეთა მან ჩემს ქალიშვილს, და ვთხოვე მის ოჯახს, ეპატიებინა ფერგისთვის ის დანაშაული, რამაც ასე გააბრაზა მარკუსი. ჩვენ ერთმანეთს შევუნდეთ," - აცხადებს სუკარნი.
მარკუსი და მაიანგი-ფერგი გასული წლის აგვისტოში დაქორწინდნენ და ერთად დაიწყეს ცხოვრება, თუმცა როგორც ამბობენ მაიანგს ეს მალე მობეზრდა და განშორებას აპირებდა.