მინსკში ევრაზიის ეკონომიკური საბჭოს სამიტზე უკრაინისა და მოლდოვის შესახებ გაკეთებული განცხადებების გამო ევროკავშირი ვლადიმერ პუტინს პასუხობს.

ბრიუსელში განმარტავენ, რომ რუსეთი უკრაინის ევროკავშირთან ასოცირების პროცესში ვერ ჩაერევა, რადგან ხელშეკრულება ორმხრივია და მასში ცვლილებების შეტანა, მხოლოდ მონაწილე მხარეებს შეუძლიათ.

ვლადიმერ პუტინმა გუშინ უკრაინისა და ევროკავშირისაგან ასოცირების შესახებ შეთანხმებების კორექტირება მოითხოვა. მოლდოვის ხელისუფლებას კი კიევის მსგავსად ხელშეკრულების იმპლემენტაციის გადადებისაკენ მოუწოდა.