ჩრდილოეთ კორეის ლიდერი შესაძლოა მძიმედ იყოს ავად ან უკვე გარდაცვლილი იყოს, – ინფორმაციას დასავლური მედია ავრცელებს.

გამოცემები იმ ფაქტს ეყრდნობიან, რომ კინ ჩენ ინი კორეის მუშათა პარტიის 69-ე წლისთავთან დაკავშირებულ ღონისძიებას არ დაესწრო. 31 წლის ლიდერი უკვე თვეზე მეტია საჯაროდ არ გამოჩენილა.

ოფიციალურ ვერსიად მისი ავადმყოფობა სახელდება. გავრცელებული ცნობით, მან ფეხი იღრძო და ოპერაცია დასჭირდა.

ლიდერის გარდაცვალების ვერსიასთან ერთად, ვრცელდება მეორე მოსაზრებაც. ექსპერტები ამბობენ, რომ ქვეყანაში ძალაუფლებისთვის ბრძოლა მიმდინარეობს. კიმ ჩენ ინს აღარ ემორჩილებიან გენერლები და შესაძლოა მათ ლიდერი დააკავეს, ქვეყანას კი მისი უმცროსი და - 27 წლის კიმ იო ჩჟონი მართავს.