სანდრო გირგვლიანის საქმეზე ამ წუთებში საქალაქო სასამართლოში ბოლო სხდომა მიმდინარეობს. დღეს გადაწყვეტილების გამოცხადების დრო უნდა განისაზღვროს.

თუმცა, პროკურორის განცხადებით, თეორიულად შესაძლებელია, რომ ვანო მერაბიშვილის, გერონტი ალანიას და ვალერი მეტრეველის განაჩენი დღესვე დადგეს. ამავე საქმეზე ბრალდებულია დათა ახალაიაც, თუმცა საბერძნეთის სასამართლო ჯერ მის ექსტრადირების საკითხს განიხილავს.

„ვფიქრობ წარმოდგენილი იქნა სპეკულაცია, რომელზეც მე დასკვნით სიტყვაში ვისაუბრე, რადგან გირგვლიანის საქმე იყო მიბული ასე ვთქვათ, აბულაშვილი-დაბრუნდაშვილის საქმესთან და მიზანიც შესაძლებელია ის გახლდათ, რომ ჩემი დასაცავი პირი ყოფილიყო უფრო მეტად ასოცირებული სენსიტიურ დანაშაულთან“,- განაცხადა გერონტი ალანიას ადვოკატმა გიორგი თურაზაშვილმა.