დეკანის თანამდებობაზე ხელახალი არჩევნები ჩატარდება.

საზოგადოება - 19:48, 28 Dec, 2012

456

ფაკულტეტის დეკანის არჩევნები რეგულირდება შიდასაფაკლუტეტო სამართლებრივი აქტებით: 1. ფაკულტეტის დებულება, რომლის მე-7 მუხლის "ბ“ ქვეპუნქტის თანახმად ფაკულტეტის საბჭო - "თავისუფალი და თანასწორი არჩევნების საფუძველზე, ფარული კენჭისყრით, სიითი შემადგენლობის უმრავლესობით ირჩევს ფაკულტეტის დეკანს", რაც სოციალურ და პოლიტიკურ მეცნიერებათა ფაკულტეტის საბჭოს წევრთა ოდენობიდან გამომდინარე (35 წევრი), მოცემულ შემთხვევაში შეადგენს 18 ხმას; 2. "სოციალურ და პოლიტიკურ მეცნიერებათა ფაკულტეტის დეკანის არჩევის წესი", რომლის მიხედვითაც არჩევნებზე დამსწრე წევრთა რაოდენობა უნდა იყოს საბჭოს წევრების საერთო რაოდენობის ნახევარზე მეტი, ხოლო გამარჯვებულად ჩაითვლება ის კანდიდატი, რომელიც სხვა კანდიდატებზე მეტ ხმას დააგროვებს. ხსენებული წესი არ აკონკრეტებს დეკანობის კანდიდატისათვის არჩევნებში გასამარჯვებლად საჭირო ხმების რაოდენობას. ზემოაღნიშნული სამართლებრივი აქტები დეკანობის კანდიდატის არჩევის განსხვავებულ წესებს ადგენენ. შესაბამისად, იგი ყველა შემთხვევაში გამოიწვევს დაინტერესებულ მხარეებში არასამართლიანობის განცდას და ნებისმიერი გადაწყვეტილების მიღების შემთხვევაში მხარეთა მიერ პროცედურის გასაჩივრებას. ყოველივე ზემოაღნიშნულიდან გამომდინარე, პრიორიტეტად განისაზღვრა არსებული სამართლებრივი ბაზის მოწესრიგება და ყოველი შემდგომი პროცედურების მის მიხედვით წარმოება", - განაცხადა ბარამიძემ.

ამ საკითხთან დაკავშირებით, სოციალურ და პოლიტიკურ მეცნიერებათა ფაკულტეტის დეკანის მოადგილემ, დეკანობის ერთ-ერთმა კანდიდატმა რევაზ ჯორბენაძემ, რომელმაც 21 დეკემბერს გამართულ არჩევნებზე 16 ხმა მიიღო, პრესკონფერენცია გამართა და რექტორის ბრძანებას არასამართლებრივად მოტივირებული უწოდა.

"მოვითხოვ, რექტორმა შეცვალოს გადაწყვეტილება. წინააღმდეგ შემთხვევაში აუცილებლად დავიცავ თავს სამართლებრივი გზით", - განაცხადა მან.

ხელახალი არჩევნების ჩატარების გადაწყვეტილება აკადემიურმა საბჭომ უნდა მიიღოს. არჩევნები აკადემიური საბჭოს შესაბამისი გადაწყვეტილებიდან 7 კვირის ვადაში გაიმართება. მანამდე კი სოციალურ და პოლიტიკურ მეცნიერებათა ფაკულტეტის საბჭომ არსებული სამართლებრივი ბაზა უნდა მოაწესრიგოს, რაც არჩევნების პროცესს სამართლებრივ ჩარჩოებში მოაქცევს.