რუსეთის საგარეო საქმეთა სამინისტრო საფრანგეთის თავდაცვის უწყებას მიმართავს და აცხადებს, რომ დროა საფრანგეთმა გაარკვიოს რუსეთს სამხედრო გემ „მისტრალებს“ მიყიდის თუ არა. ამის შესახებ განცხადება რუსეთის საგარეო საქმეთა სამინისტროს ოფიციალურმა წარმომადგენელმა ალექსანდრე ლუკაშევიჩმა გააკეთა.

""მისტრალების" შესახებ მრავალი განცხადება მოვისმინეთ საფრანგეთის თავადცვისა და საგარეო საქმეთა მინისტრებიდან, მაგრამ არსებობს კონტრაქტი, რომელიც უნდა შესრულდეს. ამისათვის გარკვეული თანხაც გადაირიცხა.

თუ ფრანგულ მხარეს რაიმე სხვა ახალი ვარიანტები გამოუჩნდა, არ არის საჭირო მეგაფონური დიპლომატიის მეთოდებით სარგებლობა და უკვე მოვიდა დრო იმისა, რომ გაერკვენ. ზაფხულში იყო განცხადებები ახლა კი საუბარი სულ სხვა მიმართულებით მიმდინარეობს. თუ არ აპირებს საფრანგეთი კონტრაქტის პირობების შესრულებას, მაშინ ფული უნდა დააბრუნოს“, - განაცხადა ლუკაშევიჩმა.