ჩინეთში მომხდარი 6.6 მაგნიტუდის მიწისძვრის შედეგად ხუთი დაიღუპა, ხოლო სამასამდე ადამიანი დაშავდა. ბიძგები იუნნანის პროვინციაში დაფიქსირდა.

ადგილობრივი ხელისუფლების თქმით, ეპიცენტრი დასახლებული პუნქტიდან 5 კილომეტრის დაშორებით იყო, შესაბამისად სტიქიას დიდი რაოდენობით მსხვერპლი არ მოყოლია, თუმცა იყო ნგრევა. ეპიცენტრის მიმდებარე ტერიტორიაზე საცხოვრებელი სახლები დაინგრა.

ჩინეთის ხელისუფლებამ უკვე გაგზავნა რეგიონში ათასამდე მაშველი, ექიმი და სამხედრო. აგვისტოში, ამავე პროვინციაში 6.3 მაგნიტუდის სიმძლავრის მიწისძვრის შედეგად 600 ადამიანი დაიღუპა.