პატიმრობიდან გათავისუფლებულმა თენგიზ ერისთავმა მედიასთან პირველი კომენტარი გააკეთა. როგორც ერისთავმა ”მაესტროსთან” სატელეფონო საუბარში განცხადა, ის მადლობას უხდის თითოეულ იმ ადამიანს, ვინც განსაცდელის ჟამს გვერდში ედგა, ვინც ხმა ამოიღო - პრესამ და საზოგადოებამ.

ერისთავი მის დაკავებას, სამართალდამცველების მხრიდან უსამართლოს უწოდებს.

სასამართლოს აღკვეთი ღონისძიების შეცვლის შუამდგომლობით დაცვის მხარემ მიმართა. სასამართლომ შუამდგომლობა დასაშვებად ცნო და აღკვეთი ღონისძიება 10 000 ლარის გირაოთი შეიცვალა, რასაც ბრალდების მხარე დაეთანხმა.

ერისთავი 17 სექტემბერს სამართალდამცავებმა დააკავეს. მის დაკავებას ოჯახის წევრებისა და საზოგადოების ერთი ნაწილის აღშფოთება მოჰყვა. ერისთავს ბრალად განსაკუთრებით დიდ ოდენობით ნარკოტიკული საშუალებების შეძენა-შენახვა ედება. ერისთავი დანაშაულს არ აღიარებს, მისი თქმით, სამართალდამცავებმა მას ნარკოტიკი ჩაუდეს.