ქუთაისში, 22 წლის მირზა ბუჩუაძის მკივლელობაში ბრალდებულ პოლიციელს, ლაშა ჯიხვაშვილს ქუთაისის საქალაქო სასამართლომ წინასასწარი პატიმრობა შეუფარდა.

დაცვის მხარე აღკვეთის ღონისძიების სახედ გირაოს ითხოვდა. სასამართლო პროცესზე ვითარება რამდენჯერმე დაიძაბა. ბუჩუაძის ოჯახის წევრებმა პოლიციელის მიმართულებით უცხო საგანი ისროლეს. ინციდენტის დროს შეუძლოდ გახდა გარდაცვლილის მამიდა.

ქუთაისში დევნის ოპერაციის დროს, პოლიციელმა 22 წლის მირზა ბუჩუაძე ცეცხლსასროლი იარაღით სასიკვდილოდ დაჭრა.

პოლიციელის მიმართ გამოძიება სისხლის სამართლის კოდექსის 333-ე მუხლის „ბ“ ქვეპუნქტით მიმდინარეობს, რაც ცეცხლსასროლი იარაღის გამოყენებით სამსახურებრივი უფლებამოსილების გადამეტებას გულისხმობს.