ამერიკის შეერთებულ შტატებში ძაღლმა სახელად გოლდიმ, რომელიც პატრონმა რამდენიმე კვირით მარტო დატოვა, საკუთარი კუდი შეჭამა.

ცხოველთა დამცველი ორგანიზაციის თანამშრომლებმა გოლდი სახლში მას შემდეგ აღმოაჩინეს, რაც მეზობლებმა საჩივარით დარეკეს და განაცხადეს, რომ ძაღლის ყეფა ძილის საშუალებას არ აძლევდათ. ძაღლი ძალიან მძიმე მდგომარეობაში იყო. მან დიდი რაოდენობით სისხლი დაკარგა.

გოლდი ვეტექიმთან გადაიყვანეს, ქირურგიული ჩარევის შემდეგ, რამდენიმე დღე კრიტიკულ მდგომარეობაში იყო. თუმცა, მოგვიანებით მომჯობინდა და ახლა თავს კარგად გრძნობს. გოლდი მფლობელებს ჩამოართვეს და იგი ახალი პატრონის მოლოდინშია.