ორი პატიმარი დარბაზიდან გათავისუფლდა

სამართალი - 13:13, 28 Dec, 2012

519

"საქმეებზე წარმოდგენილი მასალების განხილვის შედეგად მსჯავრდებულ შალვა წერედიანის საკასაციო საჩივარი დაკმაყოფილდა, ხოლო მსჯავრდებულ ამირან სიხარულიძის საჩივარი სრულად დააკმაყოფილა. ორივე მსჯავრედბული სასამართლომ სხდომათა დაბრაზიდან გაათავისუფლა. მსჯარდებულ ამირან სიხარულიძეს პირველი ინსტანციისა და სააპელაციო სასამართლოების განაჩენით ბრალი დაედო უკანონო შემოსავლის ლეგალიზაციაში, რისთვისაც მას თავისუფლების 11 წლით აღკვეთა მიესაჯა. მსჯავრდებულმა საკასაციო საჩივრით მიმართა უზენაეს სასამართლოს და ითხოვა განაჩენის გაუქმება და გამართლება. უზენაესმა სასამართლომ იმსჯელა საქმის მასალებზე, ამირან სიხარულიძე წარდგენილ ბრალდებაში უდანაშაულოდ სცნო და სხდომათა დარბაზიდან გაათავისუფლა. იმავე დღეს უზენაესმა სასამართლომ მსჯავრდებულ შალვა წერედიანის საქმის შესახებაც იმსჯელა. ქვედა ინსტანციების სასამართლოების განაჩენით, წერედიანს მსჯავრი განზრახ მკვლელობის მცდელობაში დაედო. მას სასამართლომ თავისუფლების 9 წლით აღკვეთა მიუსაჯა. მსჯავრდებული განაჩენში ცვლილების შეტანას და მისი ქმედების გადაკვალიფიცირებას ითხოვდა. სასამართლომ ზეპირი მოსმენით იმსჯელა წარმოდგენილ საქმის მასალებზე და დაადგინა, რომ წერედიანმა ჩაიდინა არა განზრახ მკვლელობის მცდელობა, არამედ ჯანმრთელობის მძიმე დაზიანება აუცილებელი მოგერიების ფარგლების გადაცილებით და მან დაზარალებულს დაზიანებები მიაყენა თავდაცვის მიზნით, თავდასხმის დროს გადააცილა თავდაცვის ხარისხს, აუცილებელი მოგერიების ფარგლებს. სასამართლოს გადაწყვეტილებით, წერედიანს სასჯელის ზომად განესაზღვრა თავისუფლების 9 თვითა და 3 დღით ის აღკვეთა, რომლის მოხდა დაეწყო 2012 წლის 23 მარტიდან, გამოთვლის შესაბამისად, მას დანიშნული სასჯელი ჩაეთვალა მოხდილად და გათავისუფლდა სასამართლო სხდომის დარბაზიდან", - აღნიშნულია უზენაესი სასამართლოს მიერ გავრცელებულ განცხადებაში.