პოლიციელი, რომელმაც ქუთაისში დევნის ოპერაციის დროს მირზა ბუჩუაძე სასიკვდილოდ დაჭრა, თავს დამნაშავედ არ მიიჩნევს.

ბრალდებულის ადვოკატის ინფორმაციით, სასამართლოში ისინი აღმკვეთ ღონისძიებად გირაოს მოითხოვენ.

პოლიციელს ბრალი 333-ე მუხლის III ნაწილით და 108-ე მუხლით წარუდგინეს.

"სახელმწიფო ბრალდებას წარდგენილი აქვს სასამართლოში შუამდგომლობა აღკვეთის ღონისძიებასთან დაკავშირებით, დაპატიმრების მოთხოვნით. გავიარე კონსულტაცია ბრალდებულთან, ლაშა ჩიხვაშვილი წარდგენილი კვალიფიკაციით და ბრალდებით თავს დამნაშავედ არ ცნობს. დაცვის მხარე დააყენებს შუამდგომლობას, რომ აღკვეთის ღონისძიების სახით გამოყენებული იყოს საგირავნო პატიმრობა", - განაცხადა ადვოკატმა.

3 ოქტომბერს, ქუთაისში, დევნის ოპერაციის დროს პოლიციის მხრიდან გასროლის შედეგად 22 წლის მირზა გოჩუაძე დაიღუპა.