„აღმოსავლეთ ქვეყნებს რუსეთის არ უნდა ეშინოდეთ“, - ამის შესახებ კომენტარი ჩრდილო-ატლანტიკური ალიანსისი გენერალურმა მდივანმა იენს სტოლტენბერგმა გააკეთა. ნატო-ს ახალი გენერალური მდივნის განცხადებით, ალიანსი აღმოსავლეთის ქვეყნების უსაფრთხოებას უზრუნველყოფს.

„მესმის, რას ნიშნავს იყო რუსეთის მოსაზღვრე პატარა ქვეყანა. ძალიან კარგად მესმის, ჩვენი ყველა მოკავშირე ქვეყნის საჭიროება, მაგრამ განსაკუთრებით ჩვენი აღმოსავლელი მოკავშირეების, ვინც რუსეთს ესაზღვრება. ჩემი ამოცანაა, დავარწმუნოთ ყველა მოკავშირე თავი ისე უსაფრთხოდ იგრძნონ, როგორც ნორვეგია გრძნობდა და დღესაც გრძნობს", - აღნიშნა იენს სტოლტენბერგმა.