საკუთარი ხელით გაისროლა კიწმარიშვილმა თუ გაისროლა სხვამ

საკუთარი ხელით გაისროლა კიწმარიშვილმა თუ გაისროლა სხვამ - ექსპერტის ინიციატივა

სამართალი - 17:43, 04 Oct, 2014

2474

კიწმარიშვილის საქმის გამოძიების პირველად შედეგებს პროკურატურა უახლოეს მომავალში გამოაქვეყნებს, - როგორც პროკურატურიდან გამოსულმა ზურაბ კიწმარიშვილმა განაცხადა პროკურატურაში ყოფნისას მას გამომძიებლებმა მხოლოდ საქმის მცირე ნაწილი გააცნეს. "მე მოვახერხე საქმის მხოლოდ მცირე ნაწილი მენახა, საქმე კი დაახლოებით 6-ი დიდი ტომია. ექსპერტები და ადვოკატები ამ წუთებშიც იმყოფებიან პროკურატურაში და აგრძელებენ სამუშაოს. ვფიქრობთ ეს რეჟიმი შენარჩუნებული იქნება დაახლოებით ორი კვირის განმავლობაში და ვფიქრობ ამ დროშ მთავარი რაც არის საქმეში ჩვნეთვის ცნობილი გახდება,"-განაცხადა ზურაბ კიწმარიშვილმა.

პროკურატურაში იმყოფება საქმის ექსპერტი მაია ნიკოლაიშვილი, რომელიც პროკურატრუას ეროსი კიწმარიშვილის საქმეზე ექსპერიმენტის ჩატარებას სთავაზობს. მისი თქმით, მას გააჩნია ექსპერიმენტის თემა, რომელიც ექსპერტის ვარაუდით, უპასუხებს შეკითხვას, საკუთარი ხელით გაისროლა ეროსი კიწმარიშვილმა, თუ გასროლა განახორციელა სხვამ. "თუკი ჩემმა ინიციატივამ რომელსაც პროკურატურას შევთავაზებ, კრიტიკას გაუძლო, დიდი მოლოდინით დაველოდები შედეგს, რომელიც ჩატარებული ექსპერიმენტის შემდეგ დადგება", - განაცხადა მაია ნიკოლაიშვილმა.

რამდენიმე საათია ეროსი კიწმარიშვილის ოჯახისწევრები, ადვოკატი და დამოუკიდბელი ექსპერტები, თბილისის პროკურატურაში კიწმარიშვილის საქმის მასალებს ეცნობიან.

ეროსი კიწმარიშვილი ყიფშიძის ქუჩაზე, საცხოვრებელი სახლის ფარეხში, საკუთარ ავტომობილში გარდაცვლილი მიმდინარე წლის 15 ივლისს იპოვეს. გამოძიება სისხლის სამართლის კოდექსის 115-ე მუხლით მიმდინარეობს.