ჯიჰადისტებმა სიკვდილით დასჯის კიდევ ერთი ვიდეო გაავრცელეს, ”ისლამური სახელმწიფოს” მებრძოლებმა სიკვდილით ამჯერად 47 წლის ბრიტანელი ალან ჰენინგი დასაჯეს. ბრიტანელი ტაქსის მძღოლი ტერორისტებმა მძევლად გასული წლის დეკემბერში აიყვანეს.

ვიდეოში მოსაუბრე ჯიჰადისტი აცხადებს, რომ პირველი ბრიტანელის, დევიდ ჰეინსის სიკვდილი დევიდ კემერონის ბრალია, რომელმაც ისლამურ სახელმწიფოზე შეტევა გადაწყვიტა, ალან ჰენინგის სიკვდილში, კი ბრიტანეთის პარლამენტი დაადანაშაულა, რომელმაც კემერონს ”ისლამური სახელმწიფოს” წინააღმდეგ საბრძოლველად თანხმობა განუცხადა.

ჯიჰადის მიერ გავრცელებულ ვიდეოში, ასევე ჩანს მათი პოტენციური მსხვერპლი, 24 წლის ამერიკელი- პეტერ ედვარდ კეისინგი, ომის ვეტერანი ,რომელიც მძევლად აყვანამდე არასამთავრობო ორგანიზაციაში მუშაობდა. ორგანიზაცია სირიის კრიზისის პერიოდში ლტოლვილებზე ზრუნავდა.

გავრცელებული ვიდეო შეიცავდა შემზარავ კადრებს. მასში ნათლად ჩანდა, როგორც სიკვდილით დასჯის მომენტი, ასევე ნაჩვენები იყო ალან ჰენინგის მოჭრილი თავიც. youtube-ის ადმინისტრაციამ ვიდეო გავრცელებიდან უახლოეს პერიოდში წაშალა.