ამერიკის შეერთებულმა შტატებმა მრავალი წლის განმავლობაში არსებული აკრძალვა, ვიეტნამისთვის იარაღის მიყიდვაზე ნაწილობრივ გააუქმა. აღნიშნული გადაწყვეტილება ვიეტნამის ომიდან ორმოცი წლის შემდეგ მიიღეს. ამის შესახებ ინფორმაცია აშშ-ს სახელმწიფო მდივანმა ჯონ ქერიმ გაავრცელა.

შეერთებული შტატების სახელმწიფო დეპარტამენტის ცნობით, ეს გადაწყვეტილება საშუალებას მისცემს აშშ-ს, თავის ყოფილ მოწინააღმდეგეს საზღვაო უსაფრთხოებისთვის საჭირო სამხედრო ტექნიკა გადასცეს.

აშშ-სა და ვიეტნამს შორის ურთიერთობა ომის დასრულებიდან 20 წელიწადში, 1995 წელს დალაგდა. ორმხრივმა ვაჭრობამ მას შემდეგ ყოველწლიურად 20 მილიარდ დოლარს გადააჭარბა.