18 წლის გოგონას მუცლიდან ექიმებმა 4 კილო თმა ამოიღეს

ეს საინტერესოა - 20:34, 02 Oct, 2014

59482

18 წლის ყირგიზელ აიპერი ალექსეევას ექიმებმა მუცლიდან ოთხი კილოგრამიანი თმების გორგალი ამოუღეს. გოგონა იშვიათი ფსიქიკური დაავადებით, ტრიხოფაგიით იყო დაავადებული, რის გამოც ის საკუთარ თმებს ჭამდა. ფისიქკური აშლილობის ეს ფორმა თმების ჭამის დაუოკებელ სურვილს იწვევს, რაც წლების განმავლობაში გოგონას ჯანმრთელობაზე არ ასახულა. თუმცა შეჭმული თმის მონელება რეალურად არ ხდებოდა, თმები მუცლეში გორგალისებურად გროვდებოდა და ის თანდათანობით ზომაში იზრდებოდა.

იმ მომენტისთვის, როდესაც გოგონა მუცლის არეში ძლიერი ტკივილებით საავადმყოფოში აიპერის უკვე აღარც ჭამა შეეძლო და აღარც სითხის მიღება. პაციენტი ძლიერი გაუწყლოებისგან და შიმშილისგან იტანჯებოდა და რომ არა ქირურგების ჩარევა, გოგონა სავარაუდოდ, გარდაიცვლებოდა.

პაციენტის გადარჩენისთვის ერთადერთი ალტერნატივა, სასწრაფო ქირურგიული ჩარევა იყო. ექიმებმა აიპერი საოპერაციო მაგიდაზე მოათავსეს, მუცლის ღრუ გაუჭრეს გაუჭრეს და ოთხ კილოგრამზე მეტი თმის გორგალი ამოუღეს. უკანასკნელი 50 წლის განმავლობაში, სამედიცინო ჩანაწერებში, ტრიქოგრაფიის მსგავსი ექსტრემალური შემთხვევა არ დაფიქსირებულა. როგორც ანალიზმა უჩვენა, გორგალი შედგებოდა თმისა და ძირიდან აღებული ბეწვისგან, რომელიც კუჭის კედელზე იყო მიკრული

ფსიქოლოგიურად პაციენტი სრულიად ჯანმრთელი აღმოჩნდა, გარდა იმისა, რომ ის თმებს ჭამდა. თუმცა საავადმყოფოდან გამოწერისას აიპერი ექიმებს შეპირდა, რომ აღარასოდეს არ გაიმეორებს იგივეს.