ადვოკატის ინფორმაციით, „თავისუფალი ზონის“ ოფისში მომხდარი ინციდენტის დროს დაკავებული ფარნაოზ ჭკადუა და დავით გოგოხია დროებითი მოთავსების იზოლატორში პოლიციამ სასტიკად სცემა. გიორგი ონიანის ინფორმაციით, პატრულის საგამოძიები სამსახურის უფროსი დაკავებულებს გაუპატიურებით ემუქრებოდა. ადვოკატი პროკურატურას აღნიშნული ფაქტის გამოძიებას სთხოვს.

„დაკავების შემდეგ სასტიკად ნაცემები არიან. როგოც კი დაკავების ოქმი ავიღე და წამოვედით, მათ განუცხადეს, რომ ონიანის აყვანით ძალიან შეცდითო. ასევე, მათ პოლიციის ოთახში ფიზიკური შეურაცხყოფა მიაყენეს. ზუმბაძეს, რომელიც პატრულის საგამოძიებოს უფროსი ყოფილა, განუცხდაებია, ჩახადეთ ამას ვაჩვენებთ თუ როგორ უნდა გაუპატიურებაო. მოვითხოვ პროკურატურისგან გამოძიებას, თუ როგორ ემუქრებიან დაკავებულებს გაუპატიურებით“, - განაცხადა ონიანმა.

ამ დროისთვის ფარნაოზ ჭკადუა და დავით გოგოხია თბილისის პოლიციის მთავარი სამმართველოს დროებითი მოთავსების იზოლატორში იმყოფებიან.