„ჰაკიმ ფაშას სახელით Youtube-ზე ვიდეო თურქეთის რესპუბლიკიდან აიტვირთა“- ამის შესახებ პროკურორმა რეზო ნადოიმ განაცხადა. მისი თქმით, პროკურატურამ ეს ინფომაცია აშშ-ში მდებარე Youtube-ს სათაო ოფისიდან მიიღო.

"ჩვენ მიერ აშშ-ში Youtube-ის სათაო ოფისში სამართლებრივი დახმარების შესახებ შუამდგომლობა იქნა გაგზავნილი, ამ ვიდეოს მფლობელზე ინფორმაციის დადგენის მიზნით. იქედან მივიღეთ პასუხი. დადგენილ იქნა, რომ ეს ვიდეო ატვირთული იქნა თურქეთის რესპუბლიკიდან. კონკრეტულ ქალაქს გამოძიების ინტერესებიდან გამომდინარე ამ ეტაპზე, არ ვასახელებ. უახლოეს პერიოდში, თურქეთიდან უფრო მეტ ინფორმაციას ველით ამ მასალის თაობზე",-განაცხადა ნადოიმ.

მოსამსართლემ ზურაბ ჟვანის გარდაცვალების საქმეზე ჰაკიმ ფაშას სახელით გავრცელებული ვიდეო მტკიცებულებად დაურთო.