ჩეჩნეთის პრეზიდენტის რამზან კადიროვის მკვლელობისთვის სირიაში მოქმედი "ისლამური სახელმწიფოს" ერთ-ერთმა ლიდერმა ომარ ალ-შიშანიმ, იგივე თარხან ბათირიშვილმა, ჯილდოდ 5 მილიონი დოლარი დააწესა. ამის შესახებ ინფორმაციას kavkaz-uzel.ru ავრცელებს.

ომარ ალ-შიშანმა ჩეჩნეთის სხვა ლიდერების მკვლელობებზეც დაასახელა ჯილდოს თანხა: ჩეჩნეთის ყოფილი მუფტის ბაი-ალი ტევსიევის მკვლელობისთვის- 4 მილიონი, რფ სახელმწიფო დუმის დეპუტატის ადამ დელიმხანოვისთვის- 2 მილიონი , ხოლო ჩეჩნეთის შინაგან საქმეთა სამინისტროს ორგანიზებულ დანაშაულთა ბრძოლის განყოფილების ხელმძღვანელის აფტი ალაუდინოვის მკვლელობისთვის 500 ათასი დოლარი.

შეგახსენებთ, რომ ისლამისტი ამბოხებულების ერთ-ერთ მეთაურია საქართველოს მოქალაქე თარხან ბათირიშვილი, რომელიც სირიაში აბუ ომარ ალ შიშანის სახელითაა ცნობილი. აშშ-ის ფინანსთა სამინისტრომ საქართველოში დაბადებული თარხან ბათირაშვილი ტერორისტული საქმიანობის გამო ე.წ შავ სიაში შეიყვანა. აშშ-ის ტერიტორიაზე მათ საკუთრებაში არსებული ქონება დაიბლოკება და აშშ-ის მოქალაქეებს ეკრძალებათ მათთან კავშირის ქონა.