საქალაქო სასამართლოში, ე.წ. ნავთლუღის სპეცოპერაციის საქმეზე, ბაჩო ახალაიას დაკითხვა ვერ მოხერხდა, რადგან ის შეუძლოდ გახდა.

თავდაცვის ექს-მინისტრის თქმით, მას სიცხე ჰქონდა და ამიტომ ჩვენების მიცემას ვერ შეძლებდა. მისი დაკითხვა მომავალი სხდომისთვის გადაიდო.

დღევანდელ პროცესზე, ე.წ. ნავთლუღის სპეცოპერაციის საქმეზე, ბრალდებულები ლევან ქარდავა და გიორგი მაზმიშვილი დაიკითხნენ. პროცესზე კუდ-ის ყოფილი უფროსის, დათ ახალაიას „სკაიპით“ დაკითხვაც იგეგემებოდა, თუმცა ვერ მოხერხდა.

გამოძიების ინფორმაციით, 2006 წელს სპეცოპერაცია წინასწარ იყო დადგმული.

აღნიშნულ საქმეზე ლევან ქარდავას და გიორგი მაზმიშვილს სპეცოპერაციის დროს დამამძიმებელ გარემოებაში განზრახ მკვლელობა და სამსახურეობრივი უფლებამოსილების გადამეტება ედებათ ბრალად. რაც შეეხება ახალაიას, მას გამოძიება, გაქცევის ორგანიზების აღიარების მიზნით, პატიმართა ფიზიკურ ზეწოლას ედავება.