27 სექტემბერი იყო დღე, რომელიც როგორც თავად ჯორჯ ქლუნი ირწმუნებოდა, მის ცხოვრებაში არასდროს დადგებოდა. ჯორჯ ქლუნმა მარტო ცხოვრებაზე უარი თქვა.

53 წლის ვარსკვლავი იურისტ, 36 წლის ამალ ალამუდინზე დაქორწინდა. ცერემონიალი ვენეციაში სასტუმრო „Cipriani“-ში მეგობრების გარემოცვაში შედგა.

წყვილი საზოგადოებას მოდური ტენდენციების შესაბამის ტანისამოსში დაენახა.

ქლუნს ნაცრისფერი პიჯაკი და შარვალი ეცვა და საკმაოდ სიმპათიურად გამოიყურებოდა, მისი მეუღლე კი სილამაზისგან ბრწყინავდა.

ქლუნის რჩეული Giambattista Valli-ს თეთრ, მოკლე კაბაში იყო გამოწყობილი, რომელიც ფერადი ორნამენტებით იყო გაწყობილი. მთელი დღის განმავლობაში წყვილმა ტანისამოსი რამდენიმეჯერ გამოიცვალა.

ქლუნმა ჰოლივუდის მეფის სტატუსი კიდევ ერთხელ დაიმტკიცა და მის რჩეულთან და სტუმრებთან ერთად ნავით გაისეირნა.

საქორწინო ცერემონიალს მხოლოდ უახლოესი მეგობრები და ოჯახის წევრები ესწრებოდნენ.