დაკითხვაზე შესვლამდე გიორგი ისაკაძემ მედია-საშუალებებისთვის განცხადება გააკეთა

სამართალი - 15:58, 27 Dec, 2012

759

"მიუხედავად იმისა, რომ მიმაჩნია, ჩემთან ასოცირებული კომპანიების შემთხვევა თვისობრივად განსხავავდება იმ კლასიკური საქმისგან, რაც ბანკთან მიმართებაში განხორციელდა, მე მაინც გარკვეული დანაშაული მიმიძღვის ბანკის წინაშე და მზად ვარ, ამისთვის პასუხი ვაგო კანონის მთელი სიმკაცრით. ვსარგებლობ შემთხვევით და ნებსით თუ უნებლიედ შექმნილი პრობლემის გამო "ბანკი ქართუს" ყოფილ და ამჟამინდელ დამფუძნებლებს ბოდიშს ვუხდი", - აცხადებს ისაკაძე.

შეგახსენებთ, რომ შსს-ს ინფორმაციით, 2011 წლის ნოემბრის დასაწყისში იუსტიციის ყოფილმა მინისტრმა ზურაბ ადეიშვილმა საკუთარ კაბინეტში დაიბარა შემოსავლების სამსახურის ყოფილი უფროსი ჯაბა ებანოიძე, გააცნო ბანკი "ქართუს" გაკოტრების სქემა და მისი განხორციელება დაავალა. თავის მხრივ, ებანოიძემ ამის შესრულება შემოსავლების სამსახურის აუდიტის დეპარტამენტის სამმართველოს იმჟამინდელ უფროსს მამუკა ლაშხიას და მის მოადგილეს ოთარ აგლაძეს დაავალა. აღნიშნული პირები დაუკავშირდნენ ხელისუფლებასთან დაახლოებულ იმ ბიზნესმენებს, რომელთა კომპანიებსაც ბანკი "ქართუს" წინაშე საკრედიტო დავალიანება გააჩნდათ. ასეთ კომპანიებს შორისა მცხეთა-მთიანეთის გუბერნატორის ძმის იაგო ჩოჩელის შპს "ინტერპლასტი", შსს იმჟამინდელი კრიმინალური დეპარტამენტის უფროსის ერეკლე კოდუას ახლო ნათესავების საწარმოები - სს "პირიმზე" და სამკერვალო ფაბრიკა "ლაურა ღაჭავა", მცირე და საშუალო მეწარმეთა ასოციაციის ხელმძღვანელი გიორგი ისაკაძის საწარმოები – შპს "ლოგოსი" და ამხანაგობა "თეთრი სახლი”.