სოხუმის სახელმწიფო უნივერსიტეტს ახალი თვითმმართველობის პრეზიდენტი ჰყავს

საზოგადოება - 15:55, 27 Dec, 2012

315

უნივერსიტეტის ყოფილმა თვითმმართველობის პრეზიდენტმა თეონა მოდებაძემ ეს ფაქტი დადებითად შეაფასა.
"არჩევნებმა კონკურენტუნარიან გარემოში ჩაიარა. სოხუმის სახელმწიფო უნივერისტეტის სტუდენტური თვითმმართველობის ისტორიაში უპრეცეტენტო აქტივობა დაფიქსირდა სტუდენტების მხრიდან. ამასთან, უნდა აღინიშნოს, რომ ეს იყო პირველი განსხვავებული წესით ჩატარებული არჩევნები, სტუდენტური თვითმმართველობის მიერ შემუშავებული ცვლილებების საფუძველზე პროპორციული სისტემით ხმის მიცემა ჩავანაცვლეთ მაჟორიტარულით, რითაც ყველა სტუდენტი თანაბარ პირობებში აღმოჩნდა. წინა არჩევნებზე სტუდენტური ორგანიზაციებიც მონაწილეობდნენ, რაც თვითმმართველობის დელეგატობის პრეტენდენტებს არათანაბარ პირობებში აყენებდა და დამოუკიდებელ კანდიდატებს, რომლებიც არ იყვნენ არც ერთ გაერთიანებაში, პრაქტიკულად არანაირ შანსი არ ჰქონდათ გამხდარიყვნენ თვითმმართველობის წევრები", - განაცხადა მოდებაძემ.

საარჩევნო პროცესი დადებითად შეფასდა ასევე პროცესის დამკვირვებელი 6 არასამთავრობო ორგანიზაციისა და 5 საინიციატივო ჯგუფის მიერ.

თვითმმართველობის წესდების საფუძველზე, არჩევნებამდე ერთი თვით ადრე შეიქმნა სსუ-ს სტუდენტური თვითმმართველობის ცენტრალური საარჩევნო კომისია, რომელმაც უზრუნველყო არჩევნების გამჭვირვალე, მშვიდ და კონკურენტულ გარემოში ჩატარება. აღნიშნულ კომისიასვე წარედგინა მონაცემები სტუდენტური თვითმმართველობის პრეზიდენტობის პრეტენდენტების შესახებ. ახლადარჩეული სტუდენტური თვითმმართველობის დელეგატთა პირველსავე საერთო ყრილობაზე რიგით მესამე მოწვევის თვითმმართველობის პრეზიდენტად ხმათა უმრავლესობით არჩეულ იქნა გიორგი ომარაშვილი.