ევროკომისიის პრეზიდენტის ჟოზე მანუელ ბაროზუს განცხადება უკრაინასა და ევროკავშირს შორის ასოცირების ხელშეკრულების გაფორმებასთან დაკავშირებით Wall Street Journal-მა შეცვლა.

უკრაინული მედია ევროკავშირის მაღალჩინოსანზე დაყრდობით წერს, რომ WSJ-მა ინტერვიუს დროს ჟოზე მანუელ ბაროზუს დაუსვა კითხვა, შესაძლოა თუ არა გადაიხედოს ასოცირების ხელშეკრულების ტექსტი, რომელიც უკრაინასა და ევროკავშირს შორის გაფორმდა. წყაროს ცნობით, კითხვაზე ბაროზუმ უპასუხა, რომ ხელშეკრულებაში ცვლილებები შესაძლოა მხოლოდ მონაწილე მხარეების შეთანხმების შედეგად შევიდეს და მასზე მესამე მხარე ვერავითარ გავლენას ვერ მოახდენს. ამასთანავე, ბაროზუმ ხაზი გაუსვა იმას, რომ ევროკავშირი არ აპირებს ტექსტში რაიმე ცვლილებების შეტანას.

წყაროს ცნობით, ევროკომისიის პრეზიდენტის სიტყვები ჟურნალისტის ინტერპრეტაციისამებრ შეიცვალა, ევროკავშირი კი ბაროზუს განცხადებას ეთანხმება.

26 სექტემბერს Wall Street Journal-მა გამოაქვეყნა სტატია, სადაც ნათქვამია, რომ ევროკავშირმა შესაძლოა უკრაინასთან ასოცირების ხელშეკრულების ტექსტში ცვლილებები შეიტანოს, რედაქცია აღნიშნულ ინფორმაციას ბაროზუზე დაყრდნობით ავრცელებდა.