კატალონია დამოუკიდებლობას ითხოვს, დამოუკიდებლობის საკითხს ესპანეთის უმსხვილესი ავტონომიური ოლქი პლებისციტზე 9 ნოემბერს გაიტანს. კატალონიის დამოუკიდებლობას სკეპტიკურად უყურებენ მადრიდში.

რეფერნდუმის ჩატარებაზე დეკრეტს ხელი ესპანეთში ავტონომიის პრეზიდენტმა უკვე მოაწერა.

„მივმართავ ევროპელ ლიდერებს და ხალხს, კატალონია, ჩემი სამშობლო ევროპის ერთერთი უძველესი ქვეყანაა, მას მსოფლიო სხვა სახელმწიფოთა მსგავსად თავისი პოლიტიკური მომავლის გდაწყვეტის უფლება აქვს. ჩვენ დემოკრატიის, დიალოგისა და მშვიდობის მომხრენი ვართ. პოლიტიკური საკითხები ცივილიზებული გზით უნდა გადაიჭრას. ეს ჩვენი ნება და გადაწყვეტილებაა“, - განაცხადა კატალონიის პრეზიდენტმა.

ოფიციალური მადრიდი კატალონიელთა გადაწყვეტილებას არ ეთანხმება და მიიჩნევს, რომ რეფერენდუმის ჩატარება კონსტიტუციას ეწინააღმდეგება.