უკრაინის ანტიტერორისტული ოპერაციის პრესცენტრის ინფორმაციით, წუხანდელი ღამის განმავლობაში, ტერორისტების უკრაინის სამთავრობო ძალებზე შეტევის შედეგად, დაიღუპა ერთი სამხედრო მოსამსახურე და დაიჭრა 8.

მსხვერპლია მშვიდობიან მოქალაქეებს შორისაც, დასახლებული პუნქტების და სამოქალაქო ობიექტების მიმართ განხორციელებული სროლების გამო, დაიღუპა ერთი ქალბატონი და დაიჭრა 16 მშვიდობიანი მოქალაქე, რომელთაგან სამი მძიმე მდგომარეობაშია.

უწყების პრესცენტრის ცნობით, არ წყდება შეტევა დონეცკის აეროპორტზე, რომელიც ამ დროისთვის უკრაინის სამთავრობო ძალების კონტროლქვეშ რჩება.

მასიური სროლები იყო მალაია ორლოვკას, ორლო ივანოვკას დასახლებულ პუნქტებში, სოფელ რედკოდუბში და ქალაქ სჩასტიეში, სადაც ტერორისტების თავდასხმის შედეგად, ქალაქის საავადმყოფო განადგურდა.