მაჰმუდ აბასი ისრაელს ღაზის სექტორში გენოციდის მოწყობაში ადანაშაულებს. გაეროს გენერალურ ასამბლეაზე სიტყვით გამოსვლისას პალესტინის ავტონომიის ლიდერმა განაცხადა, რომ მთელი მსოფლიოს თვალწინ ჩადენილი სამხედრო დანაშაულის გამო, ისრაელი დაუსჯელი არ უნდა დარჩეს.

მიმართვის დროს ისრაელის დელეგაციამ პროტესტის ნიშნად დარბაზი დატოვა. ქვეყნის საგარეო საქმეთა მინისტრმა კი მაჰმუდ აბასი დიპლომატიურ ტერორიზმში დაადანაშაულა და მის განცხადებებს სიცრუე უწოდა.

პალესტინის პრეზიდენტის გამოსვლა გააკრიტიკა შეერთებულმა შტატებმაც. სახელმწიფო დეპარტამენტის შეფასებით, ის შეურაცხმყოფელი ხასიათის იყო.