დაჯგუფება „ისლამური სახელმწიფოს“ წინააღმდეგ ეფექტური ბრძოლისათვის პენტაგონი სახმელეთო ოპერაციის აუცილებლობაზე საუბრობს.

შეერთებული შტატების გაერთიანებული შტაბის ხელმძღვანელის განმარტებით, ავიაიერიშებმა ექსტრემისტები საკმაოდ დაასუსტა, თუმცა, მათ დასამარცხებლად ეს საკმარისი არ არის.

„საჭიროა პოლიტიკური გადაწყვეტილების მიღება და სირიასა და ერაყში ჯარების შეყვანა“, - განაცხადა მარტინ დემპსიმ.

რადიკალი ისლამისტების პოზიციებზე ავიაიერიშებს შეერთებული შტატები აგვისტოდან ახორციელებს. ამ კვირაში კი ანალოგიური ოპერაცია სირიაში დაიწყო. დაჯგუფების წინააღმდეგ საერთაშორისო ბრძოლის კოალიციას დიდი ბრიტანეთი, დანია და ბელგიაც შეუერთდნენ.