"რაც შეეხება საერთო სასამართლოების შესახებ კანონს, პროექტი, რომელიც პარლამენტის მიერ არის ინიცირებული, სასამართლოს უფლებებში აღმასრულებელი ხელისუფლების ჩარევას გამოიწვევს. მე მიმაჩნია, რომ პარლამენტი კანონის მიღებამდე ვენეციის კომისიის დასკვნას უნდა დაელოდოს. ჩემი ინფორმაციით, იანვრის ბოლოს ან თებერვლის დასაწყისში საქართველოს ვენეციის კომისიის ექსპერტები ეწვევიან, შეხვედბიან კანონზე მომუშავე ყველა მხარეს და შესაბამის რეკომენდაციასაც მოგვცემენ. ვფიქრობ, რომ ვენეციის კომისია ჩვენს შეხედულებებსა და შენიშვნებს გაითვალისწინებს", - განაცხადა კუბლაშვილმა.

კუბლაშვილმა არჩილ კბილაშვილის იმ ინიციატივის კომენტირებისას განაცხადა, რომლის მიხედვითაც ბოლო დროს დაკავებული მაღალჩინოსნების საქმე შესაძლოა, ნაფიცმა მსაჯულებმა განიხილონ.

"ეს არის აღმასრულებელი და საკანონმდებლო ხელისუფლების კომპეტენცია, რადგან ამისთვის საჭირო იქნება კანონმდებლობაში ცვლილების შეტანა. ეს ყველაფერი სასამართლოს დამოუკიდებლობაზე პირდაპირ არ აისახება, თუმცა ცვლილების შეტანის შემთხვევაში უნდა მოხდეს კონკრეტული მუხლების გაწერა და არა რომელიმე სახელზე და გვარზე ამ კანონის მორგება. მე მოვუწოდებ პროკურორსა და გამომძიებლებს, ეჭვებს თავი დაანებონ, ეჭვი ცუდი მრჩეველია და რეალურად შეხედონ იმას, რაც ხდება", - განაცხადა კუბლაშვილმა.