ბრიტანეთის პარლამენტმა ერაყში „ისლამური სახელმწიფოს“ პოზიციებზე ავიაიერიშების განხორციელებას მხარი დაუჭირა. ამ გადაწყვეტილებაზე თანხმობა 524 დეპუტატმა განაცხადა, წინააღმდეგი იყო 43.

ბრიტანეთის სამხედრო თვითმფრინავები უახლოეს მომავალში დაიწყებენ სამხედრო დავალებების შესრულებას, აშშ-ს თაოსნობით მიმდინარე სამხედრო ოპერაციაში.

ოპერაციაში მონაწილეობას მიიღებს კვიპროსის ბაზაზე განლაგებული 6 გამანადგურებელ-ბომბდამშენი "Торнадо" GR4.

თემთა პალატაში კენჭისყრა ბრიტანეთის პრემიერ-მინისტრის დევიდ კამერონის ინიციატივით ჩატარდა.

თემთა პალატის წინაშე გამოსვლისას, დევიდ კამერონმა განაცხადა, რომ საფრთხე რეალურია და ის არც ბრიტანეთისგან არაა შორს.

„ჩვენ არ უნდა ვიფიქროთ, რომ საფრთხე ჩვენგან შორსაა, თუ ამ პრობლემას ახლა არ გადავწყვეტთ, არცთუ შორეულ მომავალში მივიღებთ ტერორისტულ ხალიფატს ხმელთაშუა ზღვაში, რომლის ტერიტორიებიც უკვე NATO-ს ქვეყნების მოსაზღვრე იქნება და ჩვენს ქვეყანას და ხალხს თავდასხმით დაემუქრება.“-განაცხადა კამერონმა.

ამასთანავე, 26 სექტემბერს ანტიტერორისტულ კოალიციურ ძალებში გაერთიანებასთან დაკავშირებული განხილვა მიმდინარეობს დანიის და ბელგიის პარლამენტებშიც.