უკრაინის პრეზიდენტი დღეს იუბილარია, პეტრო პოროშენკო 49 წლის გახდა. ქალაქგარეთ მდებარე მის სახლთან მისალოცად მისვლა ხალხმა დილიდან დაიწყო. პრეზიდენტის სახლთან მივიდნენ მაიდანის აქტივისტებიც, რომლებმაც პრეზიდენტს საჩუქრად უკრაინის დროშის ფერებში შეღებილი საბურავი და იმ ბრენდის ტკბილეული მიუტანეს, რომელიც პოროშენკოს ოჯახს ეკუთვნის.

აქტივისტებმა ლურჯ-ყვითელ ფერებში შეღებეს პოროშენკოს სახლის თეთრი ღობეც. ამ სახით მათ გადაწყვიტეს პრეზიდენტისთვის დაბადების დღე მიელოცათ და ასევე შეეხსენებინათ დაპირებები, რომელიც მან უკრაინელებს მაიდანზე მისცა.

აქტივისტებს ღობის ბოლომდე შეღებვა სამართალდამცავებმა არ აცადეს, მილიციამ აქტივისტებს გადაადგილება შეუზღუდა და ისინი შესაძლოა კერძო საკუთრების დაზიანებაშიც დაადანაშაულონ.