„ამერიკის შეერთებული შტატები მაშინ გააუქმებს სანქციებს, როცა რუსეთი ოკუპირებული ყირიმიდან გავა“, - ასეთი განცხადება გააკეთა აშშ-ს ელჩმა უკრაინაში ჯეფრი პაიეტმა.

დიპლომატის განმარტებით, სანამ რუსეთის ფედერაცია არ დატოვებს ოკუპირებული ყირიმის ტერიტორიას, მანამდე აშშ-ს სანქციები ძალაში დარჩება. მისივე განმარტებით, იმისათვის, რომ რუსეთი „პოროშენკოს მშვიდობიან გეგმას“ დათანხმდეს, აუცილებელია მასზე ზეწოლა, რასაც აშშ ახორციელებს.

დიპლომატი დარწმუნებულია, რომ ამ დროისათვის დასავლეთმა არ უნდა გააუქმოს სანქციები.

„უკრაინას ბევრის შეცვლა შეუძლია, მაგრამ იგი საკუთარ გეოგრაფიას ვერ შეცვლის“, - განმარტა დიპლომატმა.

ანანო კვაჭანტირაძე