უკრაინის სამართალდამცავი ორგანოები განაგრძობენ ლუგანსკსა და დონეცკში ტერორისტების მხრიდან, მშვიდობიანი მოსახლეობის წინააღმდეგ სასტიკი მოპყრობის ფაქტების გამოძიებას.

მთავარი პროკურატურის მიერ გავრცელებული ინფორმაციის თანახმად, მხოლოდ სლავიანსკში ამ დროისათვის 24 სასამართლო პროცესია ჩანიშნული, საქმეები მშვიდობიანი მოქალაქეების გარდაცვალებას ეხება. აღმოჩენილია 3 მასობრივი დაკრძალვის ფაქტი.

ამის შესახებ დღეს გამართულ ბრიფინგზე საინფორმაციო-ანალიტიკური ცენტრის სპიკერმა ანდრეი ლისენკომ განაცხადა.

მან ასევე აღნიშნა, რომ ცხედრების ეკსჰუმაცია მოხდა. ცხედრები სასამართლო-სამედიცინო ექსპერტიზის ცენტრში გადაგზავნეს, 12 გარდაცვლილის ვინაობა უკვე დადგენილია, შესაბამისი სამუშაოები კი ამ დრომდე გრძელდება.

ანანო კვაჭანტირაძე