უკრაინის პრემიემრინისტრი არსენი იაცენუკი მიიჩნევს, რომ საჭიროა ჟენევის ფორმატის განახლება.

არსენ იაცენუკმა ნიუ იორკში მედიისათვის მიცემულ ინტერვიუში განაცხადა, რომ რუსეთის მორიგი კოზირი უკრაინის წინააღმდეგ, ზამთრის მოახლოებასთან ერთად ენერგეტიკის მიმართულებაც ხდება.

„მე არ მჯერა პრეზიდენტ პუტინის, ამიტომ ვთვლით, რომ საჭიროა ჟენევის ფორმატის აღდგენა, სადაც ერთ მაგიდასთან დავსხდებით უკრაინის, რუსეთის, ევროკავშირისა და შეერთებული შტატების წარმომადგენლები და მივიღებთ სამშვიდობო გეგმას კანონით გათვალისწინებული ვალდებულებებითა და ტერიტორიული მთლიანობის დაცვის გარანტიით. რუსეთს სამხედრო ოპერაციის გარდა, კიდევ ერთი კოზირი აქვს ჩვენს წინააღმდეგ. ეს არის ენერგეტიკა, მათ უნდათ, რომ ზამთარში გავიყინოთ“, - განაცხადა არსენი იაცენუკმა.

პარალელურად რუსეთის საგარეო უწყებამ პირველად გამოიყენა ტერმინი, ნოვოროსია, უკრაინის აღმოსავლეთ რეგიონებთან მიმართებით. სამინისტროს მიერ ლავროვი-კერის შეხვედრის შესახებ გავრცელებულ ინფორმაციაში ნათქვამია, რომ მხარეებმა კიევსა და ნოვოროსიის ხელისუფლებას შორის დიალოგის პროცესზე ისაუბრეს.