ჩინეთში, პროვინცია შენსში, რესტორნის მფლობელი დააკავეს, რომელიც კერძებში ძილის მომგვრელი ყაყაჩოს თესლს ურევდა, ეს სწორედ ის თესლია, რომლისგანაც ოპიუმი მზადდება. ამ მეთოდით, ის ცდილობდა, კლიენტები რესტორნის საკვებზე მიჯაჭვული გაეხადა.

ჩინური მედიის ცნობით, მის ამ საქციელს ფარდა 3 სექტემბერს აეხადა, როცა პოლიციამ რესტორნის ერთ-ერთი კლიენტი ნარკოტესტზე შეამოწმა და ტესტი დადებითი აღმოჩნდა. 26 წლის ლიუ ჩჟიუ ირწმუნებოდა, რომ მას ნარკოტიკი არასოდეს მიუღია. მან და მისმა ახლობლებმა დაიწყეს გამოკვლევა, საიდან შეიძლებოდა აღმოჩენილიყო მის ორგანიზმში ნარკოტიკი. გამორიცხვის მეთოდით, საბოლოოდ ეჭვი რესტორნის საჭმელზე მიიტანეს. ყველა მისმა ახლობელმა, ვისთანაც ერთად მან რესტორანში ისადილა, ნარკო ტესტი გაიარა, ყველას პასუხი დადებითი აღმოჩნდა.

სამართალდამცავებმა რესტორნის მფლობელი დააპატიმრეს და 10 დღით ციხეში ჩასვეს.

წლების წინ, ყაყაჩოს თესლის მარცვლები ძალიან პოპულარული იყო ჩინურ სამზარეულოში, სოუსების დასამზადებლად. ამჟამად კი მისი გამოყენება აკრძალულია.