ამერიკის შეერთებული შტატების სახელმწიფო მდივანმა, გაერო-ს გენერალური ასამბლეის ფარგლებში გამართულ შეხვედრებზე, ისლამისტების წინააღმდეგ საერთაშორისო კოალიციის მობილიზებაზე ისაუბრა. ჯონ კერის განცხადებით, ექსტრემისტები საფრთხეს მთელ მსოფლიოს უქმნიან და მათთან ბრძოლა მხოლოდ ამერიკელების ვალდებულება არ არის.

„ისლამური სახელმწიფო“ საფრთხეს უქმნის არა მხოლოდ ერაყის, არამედ მთელი რეგიონისა და ჩვეს სტაბილურობას. ბარაკ ობამამ განაცხადა, რომ ეს არ არის მხოლოდ ამერიკის ბრძოლა. დიდი როლი შეასრულეს რეგიონის ლიდერებმა საერთაშორისო კოალიციის ფორმირებაში. უკვე 50-ზე მეტი ქვეყანა დათანხმდა შეუერთდეს ჩვენს საერთო ძალისხმევას ისლამისტების წინააღმდეგ საბრძოლველად, მათ შორის არიან არაბული სახელმწიფოებიც, რომლებიც უშუალოდ ჩაერთვნენ ოპერაციაშიც. წინ სერიოზული გამოწვევები გველის და ვიცით ისიც, რომ ჩვენს ძალისხმევას საკმარისი დრო სჭირდება“, - განაცხადა ჯონ კერიმ.