დაკავებული 8 მსაჯიდან ერთერთს, რომელსაც ერთ თვეში საერთაშორისო მატჩზე უნდა გაეწია არბიტრობა, ამის უფლებას სავარაუდოდ ჩამოართმევენ. ამ საკითხის განსახილველად სამსაჯო კომიტეტის საგანგებო სხდომა იმართება.

ბრალეულობის დამტკიცების შემთხვევაში ყველა დაკავებულს მსაჯობა სამუდამოდ აეკრძალება. ყველა დაკავებულს უკანონო გარიგებაში ედება ბრალი.

„ჩვენ ყველამ ვიცოდით, რომ ეს რაღაც არსებობდა და ამიტომ იყო ჩვენგან წამოსვლის თხოვნა და ინიციატივა, რომ თანამშრომლობა შემდგარიყო. არ შეიძლება, ვიღაც ფიქრობდეს, რომ ის, რასაც აკეთებს ვერავინ ვერ გაიგებს და ეს ყველაფერი ისე ჩაივლის და არ იქნება დასჯილი, არა, უნდა დაისაჯონ“, - განაცხადა საქართველოს ფეხბურთის ფედერაციის პრეზიდენტმა ზვიად სიჭინავამ.