ნატო რუსეთთან ურთიერთობის ძველი ფორმატის დაბრუნებას არ აპირებს. - აღნიშნული განცხადება ალიანსის მომავალმა გენერალურმა მდივანმა გააკეთა.

ნორვეგიული მედიისთვის მიცემულ ინტერვიუში იენს სტოლტენბერგმა აღნიშნა, რომ რუსეთმა საკუთარი არჩევანი უკვე გააკეთა, როდესაც გადაწყვიტა რომ აგრესიული პოლიტიკა გაეტარებინა.

“სწორედ ამ მიზეზით ვეღარ მოვახერხებთ პარტნიორობის ისე გაძლიერებას, როგორც გვსურდა”, - აღნიშნა მან.

სტოლტენბერგის თქმით, მისი პრიორიტეტი ალიანსის გენერალური მდივნის თანამდებობაზე ყოფნისას უკრაინაში არსებული მდგომარეობა იქნება.

ჩრდილოატლანტიკური ალიანსის ლიდერის მოვალეობის შესრულებას ნორვეგიის ყოფილი პრემიერი ოფიციალურად პირველი ოქტომბრიდან შეუდგება.