რუსეთი ნოვოროსისკის პორტში, ფრთოსანი რაკეტებით აღჭურვილი წყალქვეშა გემებს განათავსებს. რაკეტების ფრენის მანძილი 1,5 ათას კილომეტრზე მეტია. ამის შესახებ რუსეთის შავი ზღვის ფლოტის ხელმძღვანელმა ალეკსანდრ ბიტკომ განაცხადა.

ბიტკოს თქმით, ნოვოროსისკის პორტში რუსეთის სამხედრო გემების დაჯგუფების გაძლიერება, შავი ზღვის აკვატორიაში NATO-ს გემების მუდმივი ყოფნით არის განპირობებული. მისივე თქმით, ბაზირების ადგილზე შვიდი წყალქვეშა გემის განთავსება იგეგმება. მომავალში კი მათი რაოდენობის გაზრდა იქნება მოსალოდნელი.