უგანდელი მამაკაცები აცხადებენ, რომ ქვეყანაში ხელმისაწვდომი სტანდარტული ზომების პრეზერვატივები მათი სასქესო ორგანოს ზომებზე არაა ადაპტირებული.

ეს ფაქტი შეშფოთებას იწვევს ქვეყნის ხელმძღვანელობაშიც, რადგან ამან შესაძლოა შიდსის გავრცელება დააჩქაროს.

ინფორმაცია შესაძლოა ანეკდოტური ჩანდეს, მაგრამ პენისის და პრეზერვატივის შეუსაბამო ზომების პრობლემა, შესაძლოა საზოგადოებრივი ჯანდაცვის პრობლემად იქცეს.

შიდსთან ბრძოლის საპარლამენტო კომისიის წევრი, სარა ნატალიზი აპირებს მთავრობას მიმართოს წინადადებით, რომ პრეზერვატივების მწარმოებლებმა და დისტრიბუტორებმა გაითვალისწინონ უგანდელი მამაკაცების სხეული აგებულება და ქვეყანაში შესაბამისი ზომების პრეზერვატივების შემოტანა მოხდეს.

ბოლო ოც წელწადში უგანდაში წარმატებიტ ჩატარდა საინფორმაციო-საგანმანათლებლო პროგრამები, რომელიც უსაფრთხო სექსის პროპაგანდასაც მოიცავდა, მოსახლეობის მიერ პრეზერვატივის მასიური გამოყენების გამო შიდსის გავრცელება რომელიც 1992 წელს 18 % იყო, 2005 წლისთვის 6.5 %-მდე შემცირდა. ამის გამო უგანდა შიდსთან მებრძოლ ერთ-ერთ მოწინავე აფრიკულ ქვეყნად ითვლება. თუმცა 2011 წელს მაჩვენებელი 7.3 % მდე ავიდა, რასაც ზოგიერთი მკვლევარი პრეზერვატივების შეუსაბამო ზომებთან აკავშირებს.

მომზადებულია უცხოური პრესის მიხედვით