„შვებულების შემდგომი სინდრომი“ - ასე უწოდებენ ფსიქოლოგები უხასიათობას, რომელიც შესაძლოა „საშემოდგომო“ დეპრესიაშიც კი გადაიზარდოს.

ადამიანები, რომლებიც შვებულების შემდეგ ცხოვრების ჩვეულ რითმს უბრუნდებიან ,„ზაფხულის მოგონებებით“ ცხოვრობენ და რეალობას რთულად ეგუებიან. „სამოთხიდან“ დაბრუნებულს ოფისი ციხედ წარმოუდგენია. ადამიანი აცნობიერებს, რომ შვებულება ძალიან მალე დასრულდა და ახალი თავგადასავლების მოლოდინში მან 1 წელი უნდა გაატაროს.

ფსიქოლოგებისთვის ე.წ. „საშემოდგომო დეპრესია“ უცხო არ არის. მათი თქმით, პრობლემა საკმაოდ აქტუალურია და მას „კრეატიულად“ უნდა მივუდგეთ. კერძოდ, უნდა დავისახოთ ახალი გეგმები და „ნაცრისფერ დღეებს“ ვარდისფერი სათვალით შევხედოთ.