ნიკოლა სარკოზიმ პოლიტიკაში დაბრუნების შესახებ განცხადება, სოციალური ქსელის შემდეგ სატელევიზიო ეთერითაც გააკეთა.

”მე ბევრი ვიფიქრე, პოლიტიკაში დაბრუნება ჩემი შეგნებული გადაწყვეტილებაა, მე არ მინდა ჩემს ქვეყანას ქონდეს არჩევანი დღევანდელ დამამცირებელ ყოფას რომელსაც ამჟამინდელი ხელისუფლება სთავაზობს და იზოლაციას შორის, რომელსაც მომავალში ”ნაციონალური ფრონტი” პირდება.”- აცხადებს საფრანგეთის ყოფილი პრეზიდენტი ტელეკომპანია France 2-სთვის მიცემულ ინტერვიუში.

ნიკოლა სარკოზი შეცდომებსაც აღიარებს, ”ჩემი შეცდომები, ჩემი პასუხისმგებლობაა” მისი თქმით, შეცდომების მიუხედავად მას ფრანგი ხალხი არ მოუტყუებია.

ნიკოლა სარკოზის განცხადებით, როდესაც ის ხელისუფლებაში დაბრუნდება დროს საქმის კეთებაში დახარჯავს და არა წინამორბედის კრიტიკაში , როგორც ამას ოლანდი აკეთებს, ”ის თავად იქნება თავისი თავის მსაჯული” -ამბობს სარკოზი.

სარკოზიმ მის წინააღმდეგ აღძრულ საქმმებზეც ისაუბრა და განაცხადა, რომ ძიების, დაკითხვების და სხვა სამართლებრივი პროცესების მიუხედავად მისი დანაშაული ვერ დაამტკიცეს.