ამერიკის შეერთებული შტატებიდან დაბრუნებულმა უკრაინის პრეზიდენტმა მედიასთან ტელეინტერვიუში განაცხადა, რომ ქვეყანაში მშვიდობის დასამყარებლად სამი წინაპირობაა საჭირო: რუსი სამხედროების ქვეყნიდან გაყვანა, საზღვრის ჩაკეტვა და ტყვეების გათავისუფლება.

მისი თქმით, უკრაინელი სამხედროების მხრიდან მსხვერპლმა საგრძნობლად იკლო, თუმცა, რუსი ჯარისკაცები ქვეყნის ტერიტორიაზე კვლავ რჩებიან.

„ომის მოგება ლუგანსკსა და დონეცკში მხოლოდ სამხედრო საშუალებებით შეუძლებელია, რადგან რაც უფრო მეტ ბატალიონებსა და ბრიგადებს გავგზავნით, რუსი სამხედროების რაოდენობაც უფრო გაიზრდება. ჩვენი უპირველესი მოთხოვნაა, რომ ისინი გავიდნენ უკრაინის ტერიტორიიდან, ჩვენ ვითხოვთ საზღვრის დახურვას, ასევე, ვითხოვთ ტყვეების გათავისუფლებას. როცა ეს სამი პირობა შესრულდება, უკრაინაში მშვიდობა დამკვიდრდება“, - განაცხადა პოროშენკომ.