ხოდორკოვსკი რუსეთის პრეზიდენტობისთვის ემზადება

მსოფლიო - 13:11, 21 Sep, 2014

2507

კომპანია ”იუკოსის” ყოფილმა მფლობელმა მზადყოფნა გამოთქვა გახდეს რუსეთის პრეზიდენტი თუ ამას კრიზისის დროს წარმოქმნილი საჭიროება მოითხოვს.

ამის შესახებ ხოდორკოვსკიმ საფრანგეთში 20 სექტემბერს მიცემულ ინტერვიუში განაცხადა, არსანიშნავია რომ ხოდორკოვსკი ყოველთვის აცხადებდა, რომ მას პოლიტიკური ამბიციები არ ქონდა.

ხოდორკოვსკის განცხადებით რუსეთი საჭიროებს კონსტიტუციურ რეფორმებს, რათა პრეზიდენტის უფლებების შემცირება მოხდეს, სასამართლოს , პარლამენტის და სამოქალაქო საზოგადოების სასარგებლოდ.

”მე არ მექნებოდა ინტერესი პრეზიდენტის პოსტის მიმართ, რუსეთი რომ ნორმალურად ვითარდებოდეს,”- აღნიშნა მან. ”მაგრამ მე მზად ვარ გავხდე პრეზიდენტი, თუ ეს საჭირო გახდება იმისთვის რომ ეს კრიზისული პერიოდი გადავლახოთ და კონსტიტუციური რეფორმები გავატაროთ”

იმავე დღეს მიხაილ ხოდორკოვსკიმ ისევ აამოქმედა პროექტი „ღია რუსეთი“, რომლის მიზნადაც საზოგადოების აქტიური, ევროპაზე ორიენტირებული ნაწილის თვითორგანიზაციის ხელშეწყობა სახელდება.

ხოდორკოვსკი, რომელიც ერთ დროს რუსეთში უმდიდრესი ადამიანი იყო, შვეიცარიაში ცხოვრობს მას შემდეგ, რაც 10 წელიწადზე მეტი ხანი დაჰყო ციხეში. ის 2013 წლის დეკემბერში შეიწყალა რუსეთის პრეზიდენტმა ვლადიმირ პუტინმა.